Baibal Hmangin Nungak Biaruahnak

 Pa: Duhmi na ngei cang maw? 

Nu: Nei loh ee.

Pa: Genesis 2:18 ahcun, “Minung amah lawng i um hi a tha lo, hawile bawmtu ka serpiak lai” Pathian nih a ti dah kaw.

Nu: Asinatein, kan duh in kan uar kaan daw ve loh hme cu aw...

Pa: 1 Johan 4:8 ahcun, “Pakhat le pakhat aa daw lomi nih cun Pathian kha an hngal lo, zeica’htiah Pathian cu dawtnak a si. “ tiah ṭial a si.    
Nu: Cubantuk na biachim cu dah ngai e, zeiti’ndah ka theihthiam khawh ve hnga i aw?

Pa: Matthai 12:34 ahcun, “Kaa nih cun lungchung i a khatmi kha pei a chim cu.” tiah a ti.

Nu: Siko hmanhseh, zeiti’ndah ka cungah zumh awktlak na si ti cu na langhter khawh lai?

  

Pa: Mark 13:31 ah kan hmuh bantuk in, “Van le vawlei cu an rawk lai nain ka bia cu a rawk lai lo.” tiah ṭial a si.                         

Nu: Hmanhseh, zei ruangah dah keimah thengte? Midang nu vialte zong tampi an um ko fawn ṭun.

Pa: Phungthlukbia 31:29 nih, “Nupi ṭha tampi an um, sihmanhsehlaw nangmah nih na lonh dih hna,” a ti le hme teh.                        

Nu: Sikohmanhseh, keimah ahhin zeidah duh biknak na ngeihmi a si?

Pa: Solomon Hla 4:7 nih, “Soinak um lo samthlai rem dawh tling, Lungkil ka dawt ṭha hlei cem si ci,” tiah a ka chim e.                      

Nu: Sihmanhseh, cuti cun aa dawhmi ka si ve ṭung lo hme, mi na fak thlorh sawhsawh a si lai dah tiah ka ruah aih!!

Pa: Phungthlukbia 31:30 ahcun, “Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si,” a ti hme kha.                

Nu: Asi ah hei in ‘Aw’ ning law, zeiti’ndah a si vima kun lai?

Pa: Genesis 2:24 ahcun, “Cucaah cun pei pa nih a nule a pa a kaltak hna i a nupi he an i fonh i pumkhat i an can hi a si cu,” tiah a ka chimh e.                    

Nu: Zeiti’ndah hi bia vialte hi na theih hngalh khawh hrimhrim e?

Pa: Joshua 1:8 ahcun, “Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeiti’ntiah khi tikah na lam kha a tluanter lai i khi tikah khua awng na tong lai,” a ti tlat-le hme teh aw.                      

Nu: Ti khan cun Pathian a duhdawmi bak na si ti ka theih khawh cang!!

Pa: Salm 34:8 ah pei, “Bawipa hi zeitluk in dah a ṭhat ti kha nanmah tein va kawl cio hmanh u, amah chungah him tein a ummi cu a lung aa lawm,” ti a si kha mu.

Nu:Hmmmm, Asi ahcun i ruahnak caan rak ka pe rih kun..

Pa: Filipi 4:8 ah cun, “A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u,” a ti zungzal teh.

Nu: Atu ahcun kan dawt ta tak cang tiah ka ruah.

Pa: Biathlam 22:21 chim bangin ‘Nan dihlak cungah Bawipa Jesuh vel cu um ko seh. Amen!

(Theihternak: A cunglei cabia hi Râlte Kta ṭialmi kha aa tlakning in hun leh chinmi a si.)