Mithiamsang pawl hna nih hngakchia pawl hi nikhat chungah hin voi 300-400 hrawng hi an ni tiah an chim tawnmi a si, culio ahcun mi puitling cu nikhat chungah voi 15 hrawng lawng buaktlak in an ni tawn tiah an ti ve.
Dr. S K Guota, senior consultant, cardiology, Indraprastha Apollo Hospitals nih, “Kan nih thluahmahmi hi kan lung (heart) caah eksiksai tha taktak a si. Kan nih ahhin kan heart rate a sang i, kan thluak zong a zaangdam tawn,” a ti.
Cardiologist dang Dr. Kataria nih, “Tuchan thar vawleipi nun tlikzuamnak kip ahhin stress he aa pehtlaimi zawtnak phun hi a tam chin lengmang cang. Tuchan kan zawtnak 70% hi cu stress he aa pehtlai mi an si. Stress hrialnak ah tin mi cheukhat nih zu an ding, kuakzuk le ritnak sii tongh tehna an hmang. Hi thil a tuahmi pawl hna nih hin nih hi ngandamnak sii-tha taktak a si ti hi thei ve hna seh law ka va duh dah!” tiah a ti.
Mithiamsang pawl nih ka-aan i thangpi nih (open-mouthed laughter) hi a thabik tiah an ti i, asinain hmurcit bu in nih (closed mouth laugh hi scientist pawl nihcun ‘pant-pant’ tiah an titawnmi a si) balte tu cu kan taksa caah a tha lo (opposite effect) lehlam ve fawn tiah an ti.
A luancia caan ah nang nikhat ah voi zeizat dah na nih ve? comment cio khawh a si!
No comments:
Post a Comment